اسلام میں 6 کلمے

اللہ کے سوا کوئی معبود نہیں، محمد اللہ کے رسول ہیں۔

میں گواہی دیتا ہوں کہ اللہ کے سوا کوئی معبود نہیں، وہ اکیلا ہے، اس کا کوئی شریک نہیں، اور میں گواہی دیتا ہوں کہ محمد اس کے بندے اور رسول ہیں۔

پاک ہے اللہ، اور تمام تعریفیں اللہ ہی کے لیے ہیں، اور اللہ کے سوا کوئی معبود نہیں، اور اللہ سب سے بڑا ہے، اور گناہوں سے بچنے کی طاقت اور نیک کام کرنے کی قوت نہیں مگر اللہ کی توفیق سے جو بلند و برتر اور عظمت والا ہے۔

اللہ کے سوا کوئی معبود نہیں، وہ اکیلا ہے، اس کا کوئی شریک نہیں، اسی کے لیے بادشاہی ہے اور اسی کے لیے تمام تعریف ہے، وہی زندگی دیتا ہے اور وہی موت دیتا ہے، اور وہ زندہ ہے جسے کبھی موت نہیں آئے گی، عظمت اور بزرگی والا ہے، تمام بھلائی اسی کے ہاتھ میں ہے اور وہ ہر چیز پر قادر ہے۔

میں اپنے رب اللہ سے اپنے تمام گناہوں کی معافی مانگتا ہوں جو میں نے جان بوجھ کر کیے یا بھول کر، چھپ کر کیے یا علانیہ، اور میں اس کے حضور توبہ کرتا ہوں اس گناہ سے جسے میں جانتا ہوں اور اس گناہ سے بھی جسے میں نہیں جانتا، بے شک تو غیب کا جاننے والا، عیبوں کو چھپانے والا اور گناہوں کو بخشنے والا ہے، اور اللہ کے سوا کوئی طاقت اور قوت نہیں جو بلند و برتر اور عظمت والا ہے۔

اے اللہ! میں تیری پناہ مانگتا ہوں اس بات سے کہ میں کسی چیز کو تیرا شریک ٹھہراؤں جانتے ہوئے، اور میں تجھ سے معافی مانگتا ہوں اس کی جسے میں نہیں جانتا، میں نے اس سے توبہ کی اور میں بیزار ہوا کفر سے، شرک سے، جھوٹ سے، غیبت سے، بدعت سے، چغل خوری سے، بے حیائی سے، بہتان سے اور تمام گناہوں سے، اور میں اسلام لایا اور کہتا ہوں: اللہ کے سوا کوئی معبود نہیں، محمد اللہ کے رسول ہیں۔